Трговскиот дефицит расте, размената опаѓа

Трговската размена на Македонија лани од јануари до ноември се намалила речиси за една третина во однос на истиот период од 2008 година. Според статистичарите, дефицитот на трговската сметка за 11 месеци од 2009 година достигнал 2,1 милијарда долари, односно во тој период земјава извозла стоки во вредност од 2,4 милијарди долари, а увезла стоки во вредност од 4,5 милијарди долари. Покриеноста на увозот со извозот била 53,6 отсто. Во извозот традиционално останува најголемо учеството на производите од железо, челик, облека, фероникел и од нафта. Од странство, пак, најмногу увезуваме, сурова нафта, електрична енергија и моторни возила.

Околу 56 отсто од стоките што ги извезува Македонија се наменети за пазарите на земјите-членки на Европската унија и дел кон Западен Балкан. Земјите на ЕУ имаат најголемо учество и во увозот на стоки, на второ место се земјите во развој. (А.С.)