Шпанците штрајкуваат против штедењето

Во време кога министрите за финансии од Европската унија дискутираат за можните начини како Шпанија и Португалија да не ги снајде судбината на Грција, Шпанија вчера беше зафатена од 24-часовен генерален штрајк, поради рестриктивните владини мерки за штедење. Затворени беа училиштата, болниците и поштенските услуги.

Повеќе од 2,5 милиони вработени во јавниот сектор беа повикани да се приклучат на штрајкот, што во текот на утринските часови ги парализира градските служби. Според синдикатот, во штрајкот се вклучиле 80 отсто од вработените во јавниот сектор, а се планираат и демонстрации низ земјата. Ова е прв голем штрајк на работниците, со кој е соочен премиерот Хозе Луис Родригес Запатеро, откако ја презема власта во 2004 година. (Ек.Р.)