Веќе не е прашање дали затворениот магистрален пат Битола - Ресен може да и' наштети на туристичката сезона на Преспа. Вистинското прашање е колку ќе и' наштети? А веднаш потоа и потпрашањето: Кој ќе ја понесе одговорноста и ќе плати за претрпената штета? Зашто, ако за празнењето на Преспанското Езеро немаше од кого да се бара отштета, за несанираниот свлечен пат, некој мора да „плати“.
Џабе се врати водата во езерото, кога до него сега не може да се дојде. Распуканиот и пропаднат асфалт на магистралата цели четири месеци го затвори приодот кон Преспанско Езеро. Најтрагично е што така ќе остане и во текот на целото лето. Значи, ако некој сака да оди во Преспа, ќе мора да го користи стариот пат, кој во овие месеци стана една од најфреквентните сообраќајници во државава. И, се разбира, да ризикува да си ја искрши колата. Надлежните од Агенцијата за државни патишта „оптимистички“ најавуваат обновување на магистралата до септември. Летниве месеци ќе биле искористени за средување на документацијата, како техничка, така и проектна, по што ќе се избирал изведувачот. Од тоа може да се заклучи дека сето ова време до сега поминало во чекање да се подобрат временските услови. Во меѓувреме, Агенцијата ја констатирала состојбата! Цели четири биле потрошени на ништо.
Ако за констатирање на состојбата на оштетен пат се потребни четири месеци, колку ли ќе треба за да се изврши негова санација! А, во прашање се само 60-ина метри. Некои велат дека секогаш е полесно да се направи нешто ново отколку да се поправа старо. Ако е така, тогаш нека се изгради нов пат. Ем полесно, ем побрзо. А, и нова магистрала е подобар аргумент во предизборна кампања отколку крпен пат, нели! За тоа сигурно вреди да се пролонгира поправката.
Taka e,pred nekolku denadena patuvav za Ohrid,atuvanjeto od Bitola do ohrid i nazad me cini tocno 10000den,gorivo plus dva predni amortizeri,znaci do site vozaci koi planiraat da patuvaat po ovoj pat -OD BITOLA DO PREVOJOT BUKOVO IMA DUPKI SO PRECNIK OD 1.5 METAR I DLABOKI SE PO 40 CM VO KOI BUKVALNO GO SOBIRA CELOTO RAKOVODSTVO NA MAKEDONIJA PAT ,ISKRENO POVEKE NE PLANIRAM DA PATUVAM ZA OHRID LETOVO BIDEJKI NE MISLAM DA JA STAVAM MOJATA FAMILIJA VO RIZIK A NITI PAK POLA ODMOR DA GO FRLAM VO DUPKITE NA PATOT ZA OHRID.POZDRAV
Од: prespanec
Датум: 01.06.2010 10:33:43
Prespa mu treba na vladata samo pred izbori.Osteteniot del od patot moze da se sanira ZA EDNA NEDELA od deset rabotnici! Ama toa ne e "prioritet" vo momentot. Koga ke pocne kampanjata za izborite naesen, ke se popravi patot, ke se "otkupat" jabolkata, ke potece med i mleko. Da napomenam deka TRI GODINI, vo Pretor e raskopan patot za potrebite na vodostopanstvo, na nelolku mesta, vo vkupna povrsina od nepoveke od 8 m.kv., toa ne e sanirano. A gjubreto? Toa e posebna prikazna. Od avgust minatata godina gjubreto od naselbata ne e podignato, a sopstvenicite na vikendicite plakjaat za "podiganje" na gjubreto. Kade e gradonacalnikot. Sopstvenicite na vikendicite treba da go soberat gjubreto i da go odnesat pred Sobranieto. Belkim togas gradonacalnikot ke se seti za negovata obvrska.
Билjана Ангеловска
