Убавицата го најде својот ѕвер

Контроверзната Кејти Пери упорно ги полни списанијата и весниците со своето однесување, постојано приредувајќи слатки мал “ изненадувања. Инаку, познато е дека сексапилната пејачка наскоро ќе се венча со своето момче, откачениот актер, комедијант, колумнист и телевизиски презентер Расел Бренд. Таа неодамна во Париз и' даде сочен бакнеж на својата русокоса пријателка, а никогаш не се срамеше да каже дека ја привлекува понежниот пол и има одредени тенденции кон жените. Многупати си играше со нервите и со гневот на своите фанови, како кога на својот „Твитер“ профил објави фотографии од малолетната Скај Фереира, претставувајќи ја потенцијалната ѕвезда во разголено издание, или кога откри дека на моминската вечер не сака да гледа надуени и набилдани фраери, туку ни помалку ни повеќе - голиот задник и градите на својата пријателка Ријана. Сега Пери се подготвува да скокне во тавче кај британскиот актер Бренд, кој неодамна беше на третмани за одвикнување од секс, своевремено навлечен на спиење со повеќе жени истовремено.