Исланд ќе се раздолжи за влез во ЕУ

Лондон - Исландската влада се согласи да го исплати долгот од четири милијарди евра што го има создадено спрема Велика Британија, како и спрема Холандија, откако владите на овие две земји мораа сами да ја платат отштетата на граѓаните од своите земји, чија заштеда пропадна со крахот на банкарскиот систем во Исланд и на Интернет-банката Ајсејв во 2008 година. Враќањето на исландскиот долг ќе трае 30 години, така што ќе почне во 2016 година, а ќе заврши во 2046 година.