САД се плашат дека Косово би можело да се подели

Лондон - Американската администрација стравува од можноста за трајна поделба на Косово по долината на Ибар, открива Викиликс, продолжувајќи да ги публикува тајните на дипломатијата на САД, што ги пренесува „Гардијан“. 

Дипломатите на САД во Белград и во Приштина во своите телеграми до Вашингтон ја изразуваат својата загриженост од можноста да се разбие единствената територија на новата балканска држава, предупредувајќи дека официјален Белград работи на поделбата, што би и' овозможило на Србија да го задржи за себе северот на Косово.