Монако нема да ја проширува територијата поради кризата
Монте Карло – Кнежеството Монако, поради финансиската криза, ги запре плановите за проширување на територијата во Средоземно Море.
Според францускиот весник „Фигаро“, Монако, со површина од 1,95 квадратни километри, имаше намера со насип да ја зголеми својата територија за 15 хектари, односно за една тринаесеттина. Трошоците на проектот се проценуваат на 4,5-9,5 милијарди евра.
Кнезот Алберт има намера на новиот полуостров пред конгресниот центар Грималди форум да изгради хотел, музеј и станбен и деловен простор. Работите би требало да започнат во 2011 година. (Макфакс) |
