А1 остана без дозвола

Телевизијата А1 се брише од регистарот на радиодифузери. Советот за радиодифузија на вчерашната седница само технички констатираше дека престанува да важи дозволата за вршење радиодифузна дејност на телевизијата А1. Претходно, Агенцијата за електронски комуникации преку соопштение информираше дека дозволата за работа на телевизијата престанува со нејзиното одење во стечај или ликвидација со што се губат и одобренијата за користење радиофреквенции во радиодифузната дејност.

„Член 62 од Законот за радиодифузната дејност недвосмислено ги дефинира условите дека доколку кај носител на дозвола за вршење радиодифузна дејност настапи стечај или ликвидација, дозволата автоматски престанува да важи, што правно и фактички се случи со А1“, информираше Борче Маневски од Советот за радиодифузија. (Ж.Х.З.)