Мистерија околу компензацијата за Лех Качињски

Полскиот премиер Лех Качињски загина во април 2010 година во авионска несреќа во Русија, а со него и неговата сопруга Марија, така што сите права во однос на осигурувањата и на компензацијата од државата ги доби нивната ќерка Марта Качињски. Полските медиуми многу малку се занимаваа со оваа тема, но, генерално, се проценува дека Марта Качињски добила околу 250.000 евра надомест од државата, како и дополнителни големи средства од осигурувањето на Лех Качињски, како политичар од највисока хиерархија. Но, нема официјални податоци за тоа.

Основа за компензацијата, инаку, беше законската регулатива која важи исто за сите претседатели на државата, но не се отвори тоа прашање во јавноста поради обемот на трагедијата (загина речиси целиот државен цивилен и воен врв) и чувството во Полска дека смртта на најблиските не може да се надомести ниту со една сума. Страстите се разгореа многу повеќе околу тоа каде и дали треба да биде погребан претседателот, поради одлуката на неговиот брат близнак, тогаш премиер, да му одреди вечно место во катедралата во која се погребуваат кралеви и национални херои - нешто што Качињски не беше, и повеќе од тоа, доживуван како проблематичен политичар. Таквата одлука предизвика многу протести, но без успех.