Меѓународен перформанс „Ден од животот“ во Скопје
Македонските уметници Борис Петровски, Елена Велјановска и Јелена Трајковска учествуваат во „стриминг перформансот“ - „Ден од животот - Um dia na vida - A das in a life“, инициран по повод 850-от роденден на градот Минхен, што денеска во 14 часот ќе се одржи во кафулето „Карма“, спроти Универзалната сала во Скопје.
Во овој проект, кој го лоцира глобалното во локалното, освен Скопје преку броадбенд технологијата заедно се вмрежени и градовите Минхен, Лондон, Куритиба и Бризбејн, каде истовремено ќе се случуваат планираните медиа интервенции и перформанси кои ќе бидат меѓусебно пренесувани.
Во перформансот учествуваат и уметниците: Хорст Кониетзни од Минхен, Сузон Фукс, Џејмс Кунингхам, Хелен Џејмисон од Бризбејн, Клаудиа Капанберг и Еми Бајхаус од Лондон, Катја Хорн и Стефани Мато и Октавио Камарго од Куритиба. (К.Б.) |
