Ограбен Изборeн штаб на НСДП
КУМАНОВО - Засега непознати сторители изминатата ноќ насилно влегле во просториите на Изборниот штаб на НСДП на улицата „Моша Пијаде“ во Куманово и украле компјутер, мобилен телефон и дел од изборниот материјал. Крадците упаднале во просториите на штабот од споредниот влез на зградата откако претходно ги скршиле двата катанци.
Ова го соопшти вчера претседателот на Општинската организација на НСДП, Зоран Маневски. Раководството на Изборниот штаб се сомнева дека сторители на овој инцидент се активисти на нивните политички противници од коалицијата на ВМРО-ДПМНЕ.
Полицијата вчера претпладне извршила увид и работи на откривање на сторителите.
Ова е прв посериозен инцидент во Куманово поврзан со изборите, покрај вообичаените вербални препукувања преку локалната ТВ Нова и пропагандниот материјал со кој се преплавени улиците, јавните простории и влезовите на сите станбени објекти. (Ст.Б.) |
