„Медија систем ГМБХ“, застапник на преносот на права за реемитување на телевизиските програмски сервиси на РТВ Пинк за Македонија, ги раскина договорите со 35 кабелски оператори од нашата држава. За ова вчера информираше Советот за радиодифузија, апелирајќи до кабелските оператори што имаат раскинати договори веднаш да престанат со реемитување на програмските сервиси Пинк плус, Пинк музика и Пинк фолк.
Како причина за раскинување на договорите од 30 април била наведена непочитување на обврските од операторите.
Како што се вели во соопштението на СРД, „Медија систем“ нагласуваат дека секое натамошно реемитување на овие програми од страна на наведените оператори ќе се смета за акт на пиратерија и кршење на Законот за авторско право и сродните права и Законот за радиодифузна дејност во Македонија. Советот ги предупреди кабелските оператори на кои им се раскинати договорите со РТВ Пинк дека во следните денови ќе биде спроведен засилен мониторинг. СРД известуваат дека онаму каде што ќе биде забележано непочитување на забраната ќе бидат поведени прекршочни постапки.
Кабелскиот оператор „Кејблтел“ уште минатата недела од оваа причина го исклучи ТВ Пинк од својата понуда, а во понеделникот од „Бум ТВ“ известија дека склучиле ексклузивен договор со „Медија систем ГМБХ“ за реемитување на програмите на телевизија Пинк. (М.П.)
Molam ako postojat problemi neka se resat.Vo Makedonija ima srpsko malcinstvo i smetam deka so ova se vrsi diskriminacija.Se ubacuvaat programi koi potrosuvacot nitu ednas vo godinata nema da gi otvori.Vo kolku smetate deka ne od finansiski problemi ne se dozvoluva reemituvanje na tv pink ce smetam deka se raboti za politicka poraka.Od tie pricini a vo interes na konsumentite Kabeltel da prodolzi so reemituvanjeto,kako ne bi se dovel vo situacija da izgubi del od korisnicite.
