Џесика Алба

Драма за пребрзо возење

Џесика Алба со голема брзина пролетала низ улиците на Беверли Хилс со својот црн луксузен „ГМЦ јукон“, а дека ја заборавила ногата на гасот забележал и еден локален полицаец, кој со мотор ја следел убавата актерка и и' дал сигнал да застане. Изненадената Алба изгледала како да не и' е јасно зошто полицаецот решил да и ги побара документите, па кога и' објаснил дека возела пребрзо, актерката одеднаш ја сменила фацијалната експресија, очите и' се насолзиле и изгледала како секој момент дека ќе се расплаче.

Полицаецот не останал имун на нејзината појава и драматична претстава, па решил да ја пушти без казна, односно, само со мало усно предупредување за идните возења. Расположението на Џесика веднаш потоа се променило, па во еден момент се смеела заедно со претставникот на законот. Сево ова со својот фотоапарат го забележал и еден нејзин неуморен папарацо, кој се нашол на „местото на злосторството“.