Стил
Големите гради не се болест
Осигурителните компании ќе мора да ги плаќаат само операциите на деформирани гради
Судот во германската сојузна покраина Хесен одлучил дека осигурителните компании не мора да ги плаќаат операциите за намалување на градите, зашто тоа не е медицински проблем. Одлуката значи дека осигурителните компании ќе мора да ги плаќаат само операциите на деформирани гради.
Случајот пред суд го донела една 38-годишна жена, која има физички и ортопедски проблеми поради тежината на градите, па лекарите и' советувале операција за намалување. Но, нејзината осигурителна компанија не сакала да ги плати трошоците за операцијата. Тие тврдат дека жената има физички и ортопедски проблеми поради големата тежина и дека проблемите може да ги реши со слабеење и вежби.
Судот се согласил со осигурителната компанија и 38-годишната жена го изгубила спорот. Пред две години истиот суд пресудил дека ниту малите гради не се болест, бидејќи една жена барала осигурителната компанија да и' ја плати операцијата за зголемување на градите.
| 
