Станојоски втор на турнир во Бугарија

Македонскиот велемајстор Звонко Станојоски (рејтинг 2485) го освои второто место на силниот турнир во забрзан шах „Европска лига“ што се одржа во бугарската бања Банкја, каде што за наградниот фонд од 3.400 евра се бореа 151 шахист. Во конкуренција на 12 велемајстори, 16 интермајстори и седум ФИДЕ-мајстори Станојоски освои 7,5 поени од девет партии, колку и победникот Кирил Георгиев (2685) и третопласираниот ВМ Момчил Николов (2549), обајцата од Бугарија.

На турнирот под покровителство на бугарскиот премиер Бојко Борисов и на новоизбраниот претседател на Европската шаховска унија, Силвио Данаилов, темпото на игра беше 15 минути плус по десет секунди за секој повлечен потег.

Конечна табела: Георгиев, Станојоски и Николов по 7,5 поени, Чаталбашев, Милчев, Делчев, Пикула и Милановиќ по 7 итн. (Р.Д.)