Роби Вилијамс издава нова книга

��You Know Me“ („Вие ме познавате“) е насловот на новата книга на поп-ѕвездата Роби Вилијамс што ќе излезе во продажба на 20 септември. На 288 страници се сместени повеќе од 250 фотографии, вклучувајќи и некои претходно невидени лични фотографии, преку кои Роби не' носи низ патување во изминатите 20 музички години.

Вилијамс, кој заедно со Крис Хит, коавторот на неговиот број 1 „Сандеј тајмс“ бестселер Feel, се навраќа на клучните моменти во неговиот личен и јавен живот, кои придонесоа да биде она што е денеска.

Во видеопораката објавена на неговиот веб-сајт Вилијамс изјавува: „Најдовме илјадници слики од мене, седнавме со Крис Хит, ставивме диктафон пред нас и снимивме се' што зборував за фотографиите. Тој ја зеде касетата со моите размислувања, опсервации и сеќавања и додаде свој белег, кој сосема искрено е подобар и поинтелигентен од моите размислувања. Затоа и книгата не е лоша... Се' се фотографии... Всушност, тоа е многу добра книга!“

Новата книга на Роби Вилијамс ќе биде достапна на 20 септември преку „Теско“, а подоцна ќе биде издадена и преку официјална онлајн-продавница на пејачот во лимитир��на делукс-едиција, ограничена на 1.000 примероци.