Здравје

Лекот за дијабетес го блокира развојот на ракот на белите дробов��

Лондон - Лекот „метморфин“ што го користат лекарите при лекувањето на дијабетесот може да го блокира развојот на ракот на белите дробови, пишува весникот „Сандеј тајмс“, повикувајќи се на најновите научни истражувања спроведени во САД.

Доколку ваквото откритие на научниците се покаже ефикасно и при практичната примена, овој лек ќе биде првиот во светот што ќе може да спречи појавување на овој вид рак кај страсните пушачи пред тој да се развие во болест од која сега умираат многу луѓе.

Сите досегашни лекови се користат откако болеста веќе ќе се појави и ќе се развие обично во поодминатата фаза на развој и раширеност. Теоретски, ова откритие значи дека пушачите ќе може да го земаат лекот како превентива, иако метморфинот не ќе може да дејствува врз другите погубни здравствени проблеми кај луѓето што обично ги предизвикува пушењето.

Испитувањата во лабораториите откриваат дека пушачите што го користат лекот затоа што се дијабетичари многу поретко заболуваат од рак на белите дробови отколку пушачите што редовно

не ја имаат терапијата со метморфинот. (МИА)