Мотоциклист загина кај Арачиново

Четириесетгодишниот А.Ќ. од Скопје го загуби животот во сообраќајна несреќа што се случи во средата околу 15,30 часот на надвозникот кај скопско Арачиново. Според МВР, до несреќата дошло кога А.Ќ. со својот мотоцикл „хсуан“ удрил во автомобил „фолксваген“, управуван од Д.М., по што мотоциклистот преминал на спротивната страна и бил удрен од „тојота корола“, управувана од Д.З. (30) од Куманово. Скопјанецот се здобил со тешки повреди, на кои набргу им подлегнал. (Г.А.)