Сакал да го убие поради паричен долг

Полицијата го приведе А.Ш. (51) од Тетово, бидејќи се обидел да го убие својот сограѓанин Ш.А. (37), кој наводно му должел пари. Според МВР, инцидентот се случил завчера, околу 20 часот, кога А.Ш. дошол пред домот на Ш.А., по што почнале расправија. А.Ш. со нож го удрил Ш.А. во главата, но тој успеал да побегне, по што насилникот со пиштолот што го поседувал со дозвола пукал кон Ш.А., не успевајќи да го погоди. Полицијата го расчистува случајот. (Г.А.)