Чоловиќ на Опен во Шпанија го подели 26. место
Македонскиот интермајстор Александар Чоловиќ (рејтинг 2441) заврши на делба од 26. до 46. место во конкуренција на 428 шахисти што учествуваа на 29. Опен „Вилја де Бенаске“ во Шпанија, со награден фонд од 25.000 евра. Чоловиќ освои 7,5 поени од 11 партии, забележувајќи шест победи, три нерешени и два пораза. Тој ги совлада Шпанците Мануел Монтиел (1964), Висенте Мартин (2095), Анхел Роче (2098), ФИДЕ-мајсторот Даниел Морено (2313) и Мартин Мадина (2253), како и Индиецот Хосла Шивен (2235), ремизира со Шалмали Гагаре (2135) од Индија, со велемајсторот Бранко Дамљановиќ од Србија (2551) и со ИМ Саша Каплан (2414) од Израел, а загуби од Колумбиецот Аугусто Кастано (2203) и од ВМ Едуардо Итуризага (2555) од Венецуела.
Победник на турнирот е Романецот Михаил Марин (2583), кому му припадна наградата од 4.000 евра и кој освои 9 поени, колку и ексрепрезентативецот на Македонија, Кирил Георгиев (2645) од Бугарија. (Р.Д.) |
