Нонковиќ го објави списокот за СП во ватерполо во Рим
Селекторот на нашата ватерполо репрезентација, Стеван Нонковиќ, го објави конечниот список патници за Светското првенство во спортови во вода што ќе се одржи во Рим.
Во „вечниот град“ ќе патуваат 16 ватерполисти. Боите на Македонија таму ќе ги бранат голманите Перчиниќ, Јаневски, Урошевиќ, потоа бековите Милиќ, Петровиќ, Димовски и Белев, надворешните играчи Вуксановиќ, Лошковски, Стојчев, Мичиќ, Крстиќ и Кречковиќ и центрите Башиќ, Арсовски и Бениќ.
Од комбинација за мундијалот отпаднаа четворицата младинци членови на Работнички Недановски, Пулејковски, Манасков и Синадиновски.
Македонија за првпат ќе учествува на едно светско ватерполо првенство. Правото да бидеме дел од претстојниот мундијал го остваривме лани со освојувањето на осмото местои на континенталниот самит во Малага.
Во Рим, Македонија ќе се натпреварува во силната група Д заедно со репрезентациите на САД, Романија и домаќинот, Италија. (С.Д.) |
