Стил

Нане - за подобро варење

Се употребува како пријатен благ лек за смирување, против гасови и грчеви, за тешко варење, влегува во состав на чаеви за лекување жолчка. Маслото од нане има слаби анестетички својства и пријатна миризба што освежува, поради што е добро против повраќање и гадење. Нане не смее да се вари, туку да се прелие со зовриена вода за да не изветреат лековитите состојки.



Чај од боровинки - олеснува тегоби во нозете

Исушените топчиња и ливчиња од боровинки се омилен народен лек. Благодарение на високиот процент на танин и останатите лековити состојки, чајот ја поттикнува работата на крвните садови и го намалува отокот на нозете.

Подготовка: за една шолја чај, во 2 дл врела вода ставете една лажица исушени листови. Поклопено оставете го да стои 10 минути. За да имате добри резултати, пијте по три шолји дневно.



Чај од црна рибизла – одличен диуретик

Овој чај дејствува диуретички и го чисти организмот од штетни материи. Покрај тоа, ја намалува и непријатната надуеност на стомакот.

Подготовка: за оваа топла напивка се употребуваат исушени или свежи листови. Една лажица од нив потопете ја во ладна вода. Оставете да врие 2-3 минути, потоа нека отстои десетина минути. Пијте по 2-3 шолји на ден.



Чај од цвет на цитрон - помага при несоница

Овој чај се препорачува за нервозни лица, бидејќи олабавува и смирува.

Подготовка: неколку свежи цветови од цитрон ставете ги во врела вода. Поклопете и оставете 5 минути и чајот испијте го 30 минути пред да си легнете.