РОЏЕР МУР

Пристигна во Дубровник со заврзана рака

Познатиот осумдесет и едногодишен британски актер, познат по улогата на Џемс Бонд, Роџер Мур, пристигна во Дубровник во придружба на сопругата Кристина Толструп за да присуствува на деветиот фестивал на традиционална музика „Џулијан Раклин и пријателите“. Тој ќе настапи на фестивалот како наратор на несекојдневниот драмско-музички проект „Светските виолини“, кој на програмата е на 6 септември во Кнежевниот двор.

Мур минатата година имаше активна улога на фестивалот, читајќи ги писмата на Моцарт пред публиката, а и тогаш друштво му правеше сопругата. За време на престојот во Дубровник ќе бидат сместени на Бабин Кук. Роџер пристигна со заврзана десна рака поради неодамнешната операција, но тоа не претставува пречка за него за да се покаже како врвен наратор.