МАДОНА

Го урна сопствениот рекорд

По настапот во 32 земји, „Матиријал грл“ е последен концерт од турнејата на Мадона, што се одржа во средата во Израел. Мадона го урна својот личен рекорд што го постави во 2006 година со турнејата на концертот „Конфешнс“ кога заработи 194 милиони долари. За светската турнеја „Стики енд свит“, таа заработи 408 милиони долари, што се смета за најуспешна турнеја досега за соло-изведувач, објавил промоторот „Лајв нешн“. „Таа е апсолутно една од најдобрите изведувачи на сите времиња. Фактот дека оваа турнеја ќе го заземе местото на втора најуспешна турнеја во светски рамки говори се'“, изјавил Артур Фогел од „Лајв нешн“.

Најуспешна турнеја на сите времиња е на „Ролинг стоунс“ – „Бигер бенг“, која од 2005 до 2007 година имаше заработка од 558 милиони долари.

Мадона во своите 85 настапи за време на турнеите привлекла илјадници и илјадници обожаватели, а поставила и рекорд за посетеност на еден настап. Најголема посетеност имал концертот во Цирих - 72.000.