Во непосредна близина на граничниот премин Богородица на македонско-грчката граница е пуштен во употреба хотелскиот комплекс „Принцес“. Инвестицијата е вредна 86 милиони евра. Комплексот зафаќа површина од 30.000 квадратни метри. Покрај сместувачкиот капацитет од 130 соби, располага и со ексклузивни апартмани, казина, ресторани, тераси, дискобар, шопинг-центри... Раководителот на хотелот, Џингис Текин, на отворањето на хотелот, претставувајќи го комплексот истакна дека тој се профилира во најголем хотелски комплекс на југот од земјата.
Се очекува бројот на вработени од сегашните 280, со пуштањето во употреба на сите услужни придружни активности, да достигне 600 лица. (МИА)
