Основачот на „Викиликс“ бара политички азил

Женева - Основачот на Викиликс, Џулијан Асанж, австриски државјанин, изјави вчера во Женева дека е можно да побара политички азил во Швајцарија и во таа држава да го премести сајтот за да работи безбедно.

Во интервју за швајцарската телевизија ТСР тој наведе дека сериозно размислува за продолжување со работа во неутрална Швајцарија.

Асанж требаше да зборува вчера во Женева кога се очекува Советот на ОН за правата на човекот да објави извештај за состојбата со чо��ековите права во САД. Во меѓувреме тој се обрати и до Шведска да го премести својот сајт, но беше одбиен.

Тој им се обрати на властите во Вашингтон повикувајќи ги детално да истражат што правеле нивните војници во Ирак и Авганистан наместо да вршат како што рече, „агресивна истрага“ во врска со неговиот сајт.

„Единствената истрага за која јас знам, е дека САД покренаа истрага против нас, во врска со нашите можни извори во американската армија“, изјави тој за новинари во Женева.