Се продадоа записи повеќе од најавените

Државните записи се' уште се интересни за купување. Тие беа и останаа добар начин за инвестирање на слободните пари и на банките и на другите инвеститори, кои си ги враќаат назад по шест месеци, оплодени со камата од 4,70 отсто. На вчерашната аукција на државни записи беа понудени повеќе записи од првично најавените со проспектот, кој се објавува на веб-страница на Министерството за финансии. Имено, вчера беа понудени и купени записи во вредност од 35,7 милиони евра, иако првично беше најавено дека ќе се продаваат записи „тешки“ 32,5 милиони евра. Целата понудена сума записи вчера беше и реализирана. Најголемиот дел, или 80,20 отсто се емитувани на клиентите, додека на банките 19,80 отсто. Датумот на достасување на вчерашните државни записи е на 5 јануари 2011 година. Додека, од една страна, Владата продолжува да извлекува пари од стопанството и да се задолжува, достасуваат ратите за наплата. Така вкупниот износ на државни хартии од вредност кој доставува по таа основа државата треба да врати околу 29 милиони евра. (А.С.)