| Од гром загина говедар
СТРУМИЦА - Стојко Атанасов (64) од селото Стиник, во Општина Ново Село, го загубил животот од удар на гром. Ударот се случил завчера околу пладне на падините на планината Огражден, која се наоѓа над селото, додека траело невремето во овој дел од Струмичкиот регион. Таму Атанасов со својот син и уште неколку други жители на селото ги напасувал говедата. Од здобиените повреди починал на самото место, иако неговиот син и соселаните веднаш преку Граничната полиција алармирале за помош. (Е.П.) |
