За интеграција е потребно знаење на јазикот

Германската влада даде зелено светло за Програмата за интеграција, која ги поврзува и ги систематизира различните мерки за интеграција што ги преземаат сојузот, покраините и општините. Најважно е познавањето на јазикот.

Министерот за внатрешни работи, Томас де Мезие, при претставувањето на Програмата за интеграција в�� Берлин рече дека во Германија има од 10 до 15 проценти странци, кои немаат волја за интегрирање.

„Што значи тоа? Тоа значи да не се сака да се учествува во мерките за интегрирање, внатрешно оградување, желба за комуникација само меѓу себе, отфрлање на германската држава и комбинација од сето тоа“, рече Де Мезие.

Според министерот, 6,2 проценти од Германците го напуштаат училиштето предвреме, додека кај странците процентот на лица кои не го завршуваат образованието е 15 отсто. Најважен елемент при интегрирањето е и натаму - познавањето на јазикот.

„Најважно од се' е - јазик, јазик и јазик! И тоа колку порано, толку подобро! Тоа почнува со констатирање на степенот на познавање на јазикот во градинка, пред прво одделение и за време на основното образование. Toa е најважно за да се надминат дефицитите навреме“, вели министерот за внатрешни работи. Според Де Мезие, во Германија 1,1 милион странци не го зборуваат доволно германскиот јазик. (Дојче веле)