15.08.2012, 15:09 Македонија падна на 34. место
„Црвено-жолтите“ практично забележаа пад од едно место на светската листа каде што по освоеното четврто место на ЕП Литванија минатата година направивме најголем напредок
Неуспешниот настап во квалификациите за Олимписките игри во Лондон на македонската кошаркарска репрезентација и' го донесе 34. место во најновата рејтинг-листа на ФИБА. „Црвено-жолтите“ практично забележаа пад од едно место на светската листа каде што по освоеното четврто место на ЕП Литванија минатата година направивме најголем напредок.
Македонија за едно место падна и во листата на ФИБА-Европа, нашата репрезентација се најде на 14. место.
Од Игрите во Лондон најмногу доби домаќинот Велика Британија, нивните кошаркари направија скок од 20 места за 23. место во светот.
Врвот во ФИБА-листата и понатаму останува непроменет: САД е на првата позиција, по што следат Шпанија, Аргентина и Грција. (М.К.)
|
