13.05.2012, 11:11 Последен обид за формирање на коалициска влада во Грција
Грчкиот претседател Папуљас повика на средба на лидерите на партиите кои на парламентарните избори на 6 мај освоија најголем број гласови
Претседателот на Грција Каролос Папуљас повика на средба на лидерите на партиите кои на парламентарните избори на 6 мај освоија најголем број гласови, што претставува негов последен обид за постигнување на договор за коалициона влада.
Претходно неуспешни обиди за формирање на влада имаа лидерите на конзервативната Нова демократија, ПАСОК и радикалната левица СИРИЗА.
Лидерот на Сегрчкото социјалистичко движење (ПАСОК), Евангелос Венизелос вчера на претседателот на Грција Каролос Папуљас официјално му го врати мандатот за формирање нова влада.
Венизелос е третиот мандатар по неделните избори во Грција што не можеше да формира влада, откако тоа претходно не им успеа ниту на лидерите на Нова демократија и на Коалицијата на радикалната левица (СИРИЗА), Антонис Самарас и Алексис Ципрас.
Доколку денешниот обид на Папуљас за формирање влада на национално единство на вроди со плод, ќе претстои распуштање на штотуку избраниот Парламент и распишување на нови избори, кои би се одржале на 10 или 17 јуни.
Доколку сега се одржи гласање во Грција, СИРИЗА ќе освои 25,5 проценти од гласовите или девет проценти поени повеќе отколку што освои на изборите одржани на 6 мај, покажува истражувањето на јавното мислење на агенцијата „Метрон“, спроведено за неделникот „Еленендитис“.
Според оваа анкета, Нова демократија, која во неделата освои 20,3 отсто од главоите, сега би добила 21,7, а раст на поуларноста бележи и Сегрчкото социјалистичко движење (ПАСОК) од неделните 12,6 на 14,6 проценти.
Ципрас со 19 проценти е најпретпочитуваниот кандидат за премиер, пред првиот човек на Нова Демократија Антонис Самарас со 14 отсто и лидерот на ПАСОК, Евангелос Вензиелос со 11 проценти.
|
