Изложба „Хрватски велигден“

Во Музејот на Македонија денеска во 12 часот ќе се отвори изложбата „Хрватски Велигден“ која се реализира во рамките на долгогодишната соработка со Етнографскиот музеј во Загреб.

Автор на концепцијата е Јосип Барле��, виш кустос во Етнографскиот музеј, според кого „постојат сличности во одбележувањето на овој празник помеѓу нашите два пријателски народа, но постојат и одредени разлики“.

„Нашите две држави, иако мали, се одликуваат со исклучително богата културна традиција и на одреден начин ја збогатуваат целокупноста на европската култура“, вели Барлек.

Комесар на изложбата од Музејот на Македонија е Владимир Боцев, кустос-советник. Изложбата ќе ја отвори хрватскиот амбасадор Златко Крамариќ. (Д.Л.)