17.04.2012, 12:17 Брејвик: Повторно би го направил масакрот
Андер Беринг Бревик, на кого во Осло му се суди поради убиство на 77 луѓе, што се случи на 22 јули 2012 година, денеска, на вториот ден од судењето, изјави дека извел најспектакуларен политички напад во Европа од Втората светска војна и дека повторно би го направил истото.
- Изведов најсофистициран и најспектакуларен политички напад во Европа од Втората светска војна, изјави Брејвик на почетокот од судењето, читајќи ја пишаната изјава.
Тој наведе дека повторно истото би го направил, истакнувајќи оти дејствувал „од добрина, а не е зло“ и дека животот во затвор или умирањето за неговиот народ за него би била „најголема чест“.
По оваа изјава на Брејвик судијата го прекина неговиот говор.
Брејвик упати и остра критика до норвешката Влада и владите на европските земји бидејќи ја прифаќаат имиграцијата и мултикултурализмот, додавајќи оти пред судот зборува како командант на норвешкиот и европското антикомунистичко движење на отпорот и на антиисламската милитантна група Витези темплари, за кои обвинителите претходно изјавија дека не постои.
Делови од судењето на Брејвик ги пренесува норвешката телевизија, но камерите се исклучени за време на неговото сведочење, а нема да се емитуваат ниту излагањата на неговите сведоци.
Судот денеска го прогласи за неподобен судијата поротник Томас Индеребо, бидејќи на својот Фејсбук профил, еден ден по нападите на Брејвик напишта дека треба да биде осуден на смрт. Индеребо е замене со судијката Елизабет Вислеф.
|
