Претходен број

Без странски фудбал на ТВ во термини кога има домашен

Сезонава нема да го гледаме: Тоти

Фудбалската федерација на Македонија (ФФМ) доби потрвда од Европската фудбалска асоцијација за блокирање на термините за натпреварите во домашното фудбалско првенство. Така во новата сезона љубителите на фудбалот во нашата земја нема да можат да уживаат во неделните мечеви од странските првенства кои се совпаѓаат со дуелите од првата македонска лига. Најпогодени од ваквата регулатива на УЕФА, за која сега доби потврда и ФФМ, ќе бидат приватните ТВ куќи, Сител и Телма, кои ќе треба да се придрижуваат кон забраната и да не емитуваат мечеви од англиската Премиерлига и италијанската Серија А во неделните термини.

Регулативата на УЕФА вели дека половина час пред стартот на мечевите во домашниот шампиоинат и половина час по завршување на истите ниту една телевизиска станица не смее да емитува преноси од странски првенства. Целта на ова е да се заштити домашниот фудбал.

Блокирани ќе бидат термини во 34 дена во текот на сезоната. Еден тричасовен термин е во сабота (16,30 до 19 ч.), четири во среда (еден од 12,15 до 16 ч., два од 13,30 до 16 ч., и еден од 16.30 до 19 ч.). Останатите 29 блока се однесуваат за неделите.

Презентиран новиот лиценцен систем за нашите клубови



Новиот лиценцен систем кој ќе почне да се имплементира во Македонија во целост од 2011 година, вчера, беше презентиран пред претставниците на македонските клубови (отсустни беа само Пелистер и Слога Југомагнат).

Предавање за правилникот и постапката за добивање лиценца одржа директорот за клупско лиценцирање во Европската фудбалска асоцијација (УЕФА), Симон Патрик. Тој се осврна на клучните сегменти во лиценцниот процес и задачите кои мора да ги исполнат клубовите за да можат да се учествуваат во домашното првенство, а со тоа и полесно да аплицираат за дозвола за настап во европските клупски натпреварувања. (С.Д.)