Мејси вчера требаше да пристигне на Златибор
Македонските кошаркарски репрезентативци од саботата се наоѓаат на Златибор, каде ја обавуваат втората фаза од подготовките за настап на ЕП во Полска, кое стартува на 7 септември.
Како што е познато, на тренинзите во Скопје недостасуваа Тодор Гечевски и Џеремаја Мејси. Американецот со македонски пасош, кој настапува за Реал Мадрид вчера требаше да слета во Белград, а оттаму во попладневните часови да им се приклучи на останатите репрезентативци. Тодор Гечевски, пак, се' уште ги решава личните проблеми со Задар, кои би требало да завршат за неколку дена. Ситуацијата на Гечевски од поодамна ја следи Хемофарм, чиј спортски директор Марко Ивановиќ (некогаш играч на Работнички) децидно кажа дека ќе чека на македонскиот репрезентативец до крајот на овој месец. Еден од подобрите српски клубови, кој наредната сезона ќе игра во НЛБ лигата и Еврокупот пратил понуда до менаџерот на Гечевски и го очекува повратниот одговор.
Инаку, македонската репрезентација на Златибор ќе биде до 1 август, а на 2 и 3 август ќе ги одигра првите контролни натпревари со Словенија (Трбовље) и со европскиот шампион Русија (Крањска Гора). (Н.К.) |
