Основен суд
Рамковски се изјасни за невин
11.07.2011, 13:04
Сопственикот на А1 телевизија, Велија Рамковски, денеска го даде својот исказ за случајот „Пајажина“ во кој тој заедно со уште 21 лице се обвинети за злосторничко здружување, перење пари и затајување данок.
Рамковски вели дека е невин. Побара куќен притвор за него и за другите обвинети. Тврди дека не знае зошто е обвиниет и дека не му се јасни некои термини од обвинението.
Предвидено е пред судот да се произнесат и неговиот брат Амди Рамковски како и неговите блиски соработници Невeн Рауф и Зоран Мицевски. Минатиот понеделник, по четири одложувања беше прочитано обвинението за овој случај за што беа потребни неколку часа.
Обвинителите докажуваа дека илјадници евра се одлевале во странство на фирми блиски до семејството Рамковски. Данок се затајувал со повеќекратното плаќање на една иста фактура, по пат на фиктивни позајмици или со исплати во кеш, а сето тоа се правело преку фирмите од „Перо Наков“, но и преку фирми во Турција, Србија и Хрватска во сопственост на семејството Рамковски.
|
