Чаирчанец ја убил сопругата со сигнален пиштол
11.07.2011, 12:22
Во скопската населба Чаир на улицата „Кемал Сејфула“ утрово околу 06.20 часот, маж на возраст од 43 година ја убил својата сопруга со сигнален пиштол.
Од МВР појаснуваат дека лицето М.С. истрелал еден куршум во пределот на главата кон неговата сопруга Наџија Сула (42) од Скопје, која починала од повредата во градската болница.
Според првичните информации, убиството се случило со модифициран сигнален пиштол, при што како пригушувач било употребено пластично шише, а најверојатно се работи за семејни недоразбирања.
Полицијата работи на расчистување на случајот, а пиштолот е предаден на вештачење.
Во текот на денот, како што најавија од МВР, ќе бидат соопштени повеќе детали за убиството.
|
