Производството пониско за 8,7 отсто

Индустриското производство во октомври годинава бележи намалување во однос на септември за 8,7 проценти, а во однос на истиот месец лани за 0,9 отсто. Според податоците од Државниот завод за статистика, индустриското производство од јануари до октомври годинава, во однос на овој период во 2008 година, е пониско за 11,3 отсто.

Министерот за финансии Зоран Ставрески смета дека објавените статистички податоци за индустриското производство се потврда на очекувањата на Владата за остварување позитивна стапка на раст.

„По оние стапки на намалување од 20 проценти, колку што беа во јули, индустријата полека почнува да закрепнува“, изјави Ставрески.