Разговорите за името ја разбудија Берзата

Политиката ја паѓа, а таа и ја крева Македонска берза.

Очекувањата од денешните разговори во Преспа за името меѓу грчкиот и македонскиот премиер вчера ја раздвижија Берзата. Сите три индекси на вчерашното тргување остварија пораст. Главниот берзански индекс МБИ 10 запре со опаѓачката низа и оствари минимален, но сепак, раст од 0,8 отсто, со што се позиционираше на 2.959,30 индексни поени. МБИД порасна за 0,3 проценти, а ОМБ оствари најголем пораст од 2,1 отсто.

Прометот, исто така, го надмина бледото издание од последните неколку денови. Тој изнесуваше 840 илјади евра, при вкупно остварени 257 трансакции. Особено активно беше тргувањето со државните обврзници, со кои беше остварен половина од вкупниот промет. (С.М.)