ЕК одби да ја коментира оцената на Дојче банк за Грција

Европската комисија вчера одби да ја коментира оцената на Дојче банк дека Грција е пред банкрот и оти Атина ќе бара помош од Меѓународниот монетарен фонд (ММФ). „ Не се изјаснуваме за одредени оцени“, изјави Амелија Торес, портпаролка на комесарот за економски и монетарни прашања Хоакин Алмунија.

Таа нагласи дека Алмунија неодамна ја повикал Грција да го изгласа амбициозниот буџет за 2010 година, со кој ќе се консолидираат државните финансии.

На седницата на Советот за економија и финансии на Европската унија, што треба да се одржи идната седмица, ќе се разгледува финансиската состојба на Грција. (МИА)