Втора конференција на „ПР Македонија 09“ во декември

Во организација на агенцијата „Априори комуникации“, на 23 декември во Стопанската комора на Македонија ќе се одржи втората конференција за односи со јавноста „ПР Македонија 09“.

Целта на конференцијата е да ги поврзе сите оние што се занимаваат со оваа професија и да им ги пренесе искуствата и знаењата од регионот, но и да се обиде низ предавања да ги допре и домашните искуства присутни во Македонија. Најавено е учество на домашни и на странски експерти од „Телеком Словенија“, групацијата „Триглав“, фестивалот „Егзит“, „Априори комуникации“ од Босна и Херцеговина и од „Имиџ ПР“. (А.С.)