Стојановски го подели петтото место во Риека
Интермајсторот Дејан Стојановски (рејтинг 2429) се најде на делба од петтото до 14. место во конкуренција на 141 учесник на отворениот шаховски турнир „Медитеран 2017“ што се одигра во Риека за награден фонд од 12.000 евра. Стојановски освои 6,5 поени од девет партии и по дополнителните критериуми заврши на 13. место, а од Хрватска се враќа и со три рејтинг-поени.
ФИДЕ-мајсторот Ристе Менкиноски (2324), пак, со шест поени е во друштво на шахисти од 15 до 24 место, поточно првакот на Македонија заврши 18. и освои 22 рејтинг-поена.
Меѓу 15 велемајстори, 24 интермајстори и 11 ФИДЕ-мајстори победи 18-годишниот хрватски велемајстор Иван Шариќ (2516), кој единствен собра 7,5 поени и ја доби наградата од 2.000 евра.
Конечна табела: Шариќ 7,5 поени, Босиочиќ, Јованиќ и Предоевиќ по 7 итн. (Р.Д.) |
