Легендарниот Кевин Мекхејл нов тренер на Минесота
Откако во 2005 година се симна од канцеларијата на паркет за да ја води Минесота во 31 меч, некогашниот легендарен кошаркар на Бостон, Кевин Мекхејл, одлучи уште еднаш да се обид во тренерската кариера.
Со оглед на тоа што ја напушти функцијата потпретседател на кошаркарските операции, која ја вршеше од 1993 година, изгледа дека сега сака сериозно да се посвети на тренерскиот занает. Досегашниот тренер Ренди Витман имаше лош скор 38/105, па смената беше очекувана. Сезонава Минесота има само четири победи и 15 порази. По заминувањето на Кевин Гарнет во 2007 „вулфси“ влегоа во процес на обнова, но се' уште го немаат најдено вистинскиот пат. Мекхејл верува дека може да ги заврти работите. „Имаме талентиран тим. Може да се искористи нивниот потенцијал“, изјави тој. |
