Богдановски 26. на „Трофеј на Белград“
Македонскиот велемајстор Влатко Богдановски (рејтинг 2393) заврши на делба од 20 до 40 место (26. според Бухолц) во конкуренција на 231 шахист, што настапија на 21. „Трофеј на Белград“ во Обреновац. Поранешниот репрезентативец на Македонија освои шест поени од девет партии, колку и Роберт Велески (2270), кој го освои 37. место. ФИДЕ-мајсторот Зоран Илиќ (2290) со 5,5 поени е 48., а Моника Стојковска (1865) со 4,5 се пласира на 112. позиција. Богдановски освои шест рејтинг-поени, Илиќ 14 и Стојковска 27, а Велески загуби еден поен. (Р.Д.) |
