Фудбалски вести
Едуардо се враќа против Портсмут
Хрватскиот репрезентативец Едуардо да Силва конечно се враќа на теренот. Се знае и точниот ден. Тоа е 16 декември на мечот со Портсмут. По речиси девет месеци пауза поради скршеница на ногата напаѓачот на Арсенал, како што велат лекарите, е тотално рехабилитиран. Тренира напорно како и останатите играчи на Арсенал, а Арсен Венгер потврди дека е време за акција. „Едуардо на мечот со Портсмут сигурно ќе биде на клупата. Веројатно во вториот дел ќе му дадам шанса, се зависи од развојот на настаните“, вели Венгер.
Кварезма во „Златната канта за ѓубре“
Португалскиот репрезентативец Рикардо Кварезма е добитник на наградата „Златна канта за ѓубре“ за најлош играч на годината во Серија А. Тоа е награда, која ја доделуваат слушателите на емисијата „Катеспорт“ на италијанското државно радио. Кварезма собра двојно повеќе гласови од напаѓачот на Аталанта, Кристијан Виери. Да потсетиме, Кварезма дојде во Интер од Порто за 18,6 милиони евра. Минатата година и таа пред неа „Златната канта за ѓубре“ ја добиваше Адријано.
Адебајор: Заборавете на убавиот фудбал
Напаѓачот на Арсенал Емануел Адебајор по враќањето на својот тим во борбата за титулата и порача на своите соиграчи дека е битно топката да заврши во мрежата, а не начинот на кој тоа ќе се случи.
“Сега сме осум бодови зад Ливерпул и мора да се контролираме. Не треба да се грижиме дали играме убаво, или, не важен е само успехот, а не дриблинзите и додавањата. Мора да се бориме како екипа, само така ќе дојдеме до успеси“, вели Адебајор.
Рафа ја презема клупата на Јуве?
Англиските медиуми наголемо шпекулираат дека Рафаел Бенитез ќе биде новиот тренер на Јувентус. Имено, Шпанецот ги прекина преговорите со управата на Ливерпул за продолжување на договорот, но, како што велат медиумите, причината не била незадоволството од годишната плата од четири милиони фунти, туку планот за селење во Торино. И италијанските медиуми се налепија на ваквите пишувања, потврдувајќи дека се тресе клупата на Калудио Раниери и дека наскоро ќе има промени. |
