Атлетската репрезентација на Македонија заврши 12. меѓу 15 селекции ш��о настапија на 2. Европско екипно првенство (Трета лига) што се одржа од 19 до 21 јуни во Марса на Малта. Поединечно, најдобри пласмани остварија Јованче Јанковски и Реџеп Селман, кои го освоија петтото место во своите дисциплини. Јанковски во скок во височина прескокна 195 см, а олимпиецот Селман во трискок забележа резултат од 15,11 м.
Во женска конкуренција од Македонките највисоко пласирани беа Ирена Темова и Александра Митревска, кои беа шести во своите дисциплини. Темова во скок во височина со 160 см, а Митревска во трката на 3.000 м стиплчез постигна време од 12:19,78 мин. (Р.Д.)
Е тоа е.... Ако Агенцијата за навивачи и заслужни лепачи на плакати (АМС) повеќе пари троши за спортистите, отколку за Унијата на тапетари при ФМРО (Феудална Многу Работна Организација) - резултатите сигурно ќе бидат подобри.
