Црна серија на Македонците на ЕП во шах
Хет-трик од порази на двајцата македонски претставници на 10. Европско поединечно првенство во шах во Будва, Звонко Станојоски и Роберт Велески. Велемајсторот Станојоски (рејтинг 2493) во деветтото коло загуби со бели фигури од интермајсторот Игор Соломуновиќ (2416) од Германија, а Велески (2269) капитулира со црни против Ненад Паниќ (2408) од
Србија. Третиот пораз во низа го чинеше Станојоски пад на делба на 226. место (232. според Бухолц) со 3,5 поени во конкуренција на 306 шахисти, а Велески на две кола до крајот со три поена го дели 255. место, а по Бухолц е 258.
Водат Инаркиев, Соколов и Јобава со по седум поени. (Р.Д.) |
