Победи на лејкерси и на кавалирси, 17. пораз сезонава на селтикси
Победи на водечките екипи во НБА лигата, пораз на бранителот на титулата. Л.А. Лејкерс славеше над Далас со 107:100, Кливленд беше подобар од Њујорк со 98:93, а изненадувањето го направи Милвоки кој со 86:77 им го нанесе 17 сезонски пораз на Бостон.
„Езерџиите“ имаа предност во дуелот со Далас се до заршницата на ретиот период меѓутоа на почетокот на последниот маверикси направија серија од 14:2 и поведоа со три коша разлика. И тука запреа, а ги запреа Брајант и Гасол кои го спречија налетот на домашните и го одведоа својот тим до триумф. Тројца играчи на Л. А. Лејкерс го заршија мечот со повеќе од 20 постигнати поени. Најмногу кај лидерот на Западот уфрли Брајант (28), Ариза даде 26, Гасол 25. Најефикасен кај гостите беше Џејсон Тери кој забележа 29 поени меѓу кои седум тројки, Диртк Новицки учествуваше со 20, дабл-дабл ефект на Џејмс Синглтон (16 коша, 10 скока).
Леброн Џејмс овојпат не ги торпедираше никси со 50 коша, но Њујорк загуби. На гостувањето кај Кливленд повторно останаа покуси за пет поени (98:93). Ѕвездата на кавалирси застана на 19 коша, 10 асистенции и осум скока, а улогата на прв стрелец ја презеде Мо Вилијамс кој остваро 23 коша. Ал Харингтон беше прво име кај гостите. Забележа 26 поени, 20 коша плус седум додавања имаше Нејт Робинсон, дабл-дабл ефект на Дејвид Ли (10 коша, 14 скока).
Ужасната шутерска вечер на Бостон заврши онака како што само можеше, со пораз, а кога тројцата главни кошаркари, Ален, Пирс и Рондо ќе имаат 8/36 од игра, чудо тешко може да се очекува. Милвоки го искористи тоа и ја зграпчи победата која му е тоа како важна во борбата за обезбедување место во плеј-офот. Во отсуство на Ред, клучен човек кај бакси и натаму е Чарли Виланова кој против селтикси забележа 19 коша и седум скока. Во тоа му се придружи Ричард Џеферсон со 17 поени. Двајца кошаркари на Бостон остварија дабл-дабл ефект, Кендрик Перкинс го заврши мечот со 26 поени и 12 скока, Пол Пирс забележа 15 коша и 11 скока.
Резултати: Торонто - Индијана 110:87, Атланта - Портланд 98:80, Детроит - Мемфис 84:89, Милвоки - Бостон 86:77, Филаделфија - Мајами 85:77, Л.А. Лејкерс - Далас 107:100, Орландо - Јута 105:87, Вашингтон - Сакраменто 106:104, Кливленд - Њујорк 98:93, Голден Стејт - Феникс 130:154, Л.А. Клиперс - Њу Џерси 107:105. |
