По 100 години, отворена нова банка

Во Велика Британија вчера е отворена нова банка, што досега не постоеше во каква било форма на финансискиот пазар и што се случува прв пат по повеќе од 100 години. Метро банката ја отвори својата прва филијала во Лондон, со ветување дека ќе им служи на луѓето, работејќи подолго од сегашното вообичаено работно време за банките и во текот на сите седум дена во неделата. Најавено е дека новата банка нема да биде отворена само четири дена во годината - на Божик, на 1 јануари, како и на Велипеток и на Велигден.

Еден од основачите, Верон Хил, изјави дека при создавањето на Метро банката се раководеле од искуството што го имаат во САД.

Новата банка ќе издава индивидуални кредити со 10 отсто камата, додека годишната камата за штедните влогови ќе биде 0,5 отсто. (МИА)