Германците уапсени во Косово биле агенти на БНД Берлин – Тројцата Германци уапсени на Косово, осомничени дека фрлиле експлозив врз Канцеларијата на Европската унија, биле вработени во германската разузнавачка служба БНД.
Ова го соопштила германската влада по барање на парламентарната комисија за надзор на разузнавачките операции.
Германците се уапсени минатиот четврток, а по испрашувањето од страна на судијата на приштинскиот суд, одреден им е притвор до 22 декември.
Германците се уапсени откако го проверувале местото на нападот и се задржувале во зградата од каде што бил извршен нападот на ЕУЛЕКС, а по апсењето се правдале дека вршеле увид на местото на нападот.
Сите тројца се вработени во компанијата „Лоџистик асесментс“, што се занимава со консалтинг услуги за германските инвеститори при инвестирање во Косово, а вистинска цел им била формирање база на германската разузнавачка служба, поради што извесно време биле надгледувани од косовските власти. (Макфакс)
|
